19/06/2023
У рамках другога этапа рэспубліканскай прафілактычнай акцыі "Не прапальвай сваё жыццё!" Светлагорскія ратавальнікі прапанавалі падумаць на пытанне: "Як не давесці да бяды і захаваць сваё жыццё?".
Сустрэча адбылася ў бары "Дыямент". У нязмушанай і ўтульнай абстаноўцы ратавальнікі і прадстаўнік Чырвонага крыжа гутарылі з наведвальнікамі ўстановы аб шкодзе курэння, аб тым да чаго можа прывесці згубная звычка.
Інтэлектуальная гульня "No Smoking Quiz" і "Дзе логіка?" разраджалі гутарку на такую важную і адказную тэму. Бо, нажаль, аматар пакурыць у пасцелі можа стаць чыннікам не толькі сваёй згубы, але і іншых людзей. А ці варта скураная цыгарэта гэтага…
Самы маленькі наведвальнік установы з непадробнай цікаўнасцю разглядала карцінкі з героямі мультфільма "Чароўная кніга" і яшчэ з вялікім нецярпеннем і жаданнем спрабавала іх размаляваць.
Пытанне неасцярожнага абыходжання пры курэнні абмеркавалі і ў працоўных калектывах прадпрыемстваў і арганізацый Светлагошчыны калектыве. Прысутным прапаноўвалі хаця б на дзень адмовіцца ад згубнай звычкі. У завяршэнні мерапрыемстваў быў арганізаваны прагляд роліка аб шкодзе курэння і раздача нагляднай агітацыі ад МНС.
Рэкамендацыі МНС:
1. Калі самі не можаце адмовіцца ад тытуню, не кідайце цыгарэты на падлогу і не паліце ў ложку;
2. Недакуркі трэба складаць у бляшаны слоік, напоўнены вадой. Забудзьцеся аб звычцы кідаць «бычкі» з лоджыі ці гаўбца;
3. Закрывайце на балконе або лоджыі вокны, а таксама не захоўвайце там лёгкія на загаранне вадкасці.
4. Усталюйце пажарны апавяшчальнік, які дапаможа своечасова апавясціць вас аб пажары.
Але памятайце! Лепшы сродак засцерагчы сябе ад наступстваў тытуню - зусім кінуць паліць.
