Інфармацыйна-прапагандысцкай кампаніі "Не чакай вавёрачку - тушы недакурак!"

Адна з самых распаўсюджаных прычын пажараў - неасцярожнае абыходжанне з агнём пры курэнні. Нядбайна кінутая непатушаная цыгарэта часцяком прыводзіць да непапраўных наступстваў. Многія лічаць гэта дробяззю, якая не заслугоўвае ўвагі. І магчыма, не кожны ў стане разглядзець вялізную праблему. Не для ўсіх прыклады ў зводках МНС становяцца папярэджаннем аб небяспецы. Больш за тое, практычна ва ўсіх выпадках гібелі людзей можна было пазбегнуць, калі б яны самі разумелі, што трагедыю робяць уласнымі рукамі. Пакуль кожны не ўсведамляе ўсю сур'ёзнасць і глыбіню праблемы, фінал будзе ўсё таксама трагічна прадказальны і непазбежны.

Ратавальнікі пастаянна шукаюць новыя крэатыўныя формы работы з насельніцтвам, каб грамадзяне ўсвядомілі важнасць прытрымлівання правілаў бяспекі, бо менавіта так закладваецца фундамент культуры бяспекі жыццядзейнасці. «Не чакай вавёрачку - тушы недакурак!» - білборды з такім слоганам з'явіліся гэтай восенню на вуліцах беларускіх гарадоў. Гэта сацыяльная ініцыятыва МНС, закліканая матываваць насельніцтва, якое спажывае тытунёвыя вырабы, тушыць недакуркі ва ўсіх магчымых месцах курэння: кватэры, балконе, прыродзе і інш. Пра тое, што неабходна выконваць правілы бяспекі пры курэнні, нагадаюць не толькі білборды. Тэматычныя аўдыяролікі таксама заклічуць бестурботных грамадзян тушыць за сабой недакуркі, а ў відэароліках людзі ўбачаць цэлы «бялічы атрад», які паспяхова спраўляецца з гэтай праблемай, паказваючы людзям прыклад выканання правілаў бяспекі пры курэнні. Прэзентацыйныя мерапрыемствы новай інфармацыйна-прапагандысцкай кампаніі пройдуць як у буйных гандлёвых цэнтрах абласных гарадоў, так і ў магазінах раённых гарадкоў (у сельскай мясцовасці). Сачыце за ходам правядзення кампаніі на сайце МНС, а таксама ў СМІ.